تعليم وتعلم الرياضيات (الجزء التالت)

  اتكلمنا المرة اللي فاتت عن وسائل شايفها مهمة لتدريس الرياضيات وناوي أكتب دلوقتي لطالب الرياضيات تكملة للموضوع الأول خالص في السلسلة. 

بداية كده .. لما تكون درست تفاضل وتكامل بشكل كويس، أنت بتنتقل لمرحلة مهمة لأنك بتكون اكتسبت واحدة من أهم الأدوات في الرياضيات، لكن ما زلنا في نطاق تعلم الأدوات اللي تحتاجها في أغلب التخصصات

أنت عندك كذا اتجاه ممكن تاخده بعد التفاضل والتكامل ... أولهم إنك تبدأ تدرس جبر خطي وده أداة أساسية جدا وفي غاية الأهمية

من الكتب القيمة جدا كتاب 

Calculus by Tom Apostol

الجزء الأول منه يعتبر مغطي أجزاء مهمة في الجبر الخطي

وكتاب تاني برشحه جدا وهو كتاب

Linear algebra done right

وهو على طريقة بورباكي والمدرسة الفرنسية في البداية بالتجريد قبل التطبيق عكس المدرسة الروسية

بعد ما تكون اتعلمت الأداتين الأساسيتين : الجبر الخطي والتفاضل والتكامل .. فأنت تقدر تتجه لكذا تخصص لكن بفضل إنك تتجه للتحليل الحقيقي لأنها أداة مهمة وإن كان ممكن تكمل في كذا اتجاه غيرها  زي إنك تتجه للجبر المجرد ونظرية الزمر لكن التحليل الحقيقي هيكون مقدمة كويسة للرياضيات المتقدمة، وهتسفيد بالمقدمة اللي كتير من الكتب بتحطها عن ال

Set theory

اللي تعتبر حجر الأساس في فهم منطق الرياضيات 

ده آخر مقالة في الموضوع ده